Көрмеде екі тақырыптық экспозиция көзделген – ҚР Ұлттық Банкінің теңге банкноталары мен инвестициялық және коллекциялық монеталары.
– Ұлттық төл валюта – тәуелсіздік пен егемендіктің нышаны, мемлекеттегі ақша жүйесінің негізі. Ұлттық Банк өткізетін экспозицияның мақсаты – қалың аудиторияны ұлттық валюта – теңге тарихымен, «Сақ стилі» банкноталарының жаңа сериясымен, инвестициялық және коллекциялық монеталармен таныстыру, – деді ҚҰБ Төрағасының орынбасары Виталий Тутушкин.
Ал «Сақ стилі» сериясының бас дизайнері Санжар Нұрқасымов қазіргі уақытта айналымға бес және он мың теңгелік банкноталар енгізілгенін атап өтті.
– Бұл өз тарихымыз, көне заманнан келе жатқан мәдениет. 2023 жылдан бастап «Сақ стилі» сериясын енгіздік, бірінші бес мыңдық банкнота болды. 2024 жылы он мыңдық шықты, осы жылдың соңында дейін екі мың теңге банкнотасын басып шығаруды жоспарлап отырмыз. Келесі банкноталар 2025-2026 жылдары басылып шығады, - деді ҚҰБ бас дизайнері Санжар Нұрқасымов.
Көрме 22 қарашаға дейін жалғасады. Оған жексенбі күнін қоспағанда барлық тұрғындар мен қала қонақтары 09:00-ден 18:00-ге дейін бара алады.