Ұлттық Банктің ресми статистикасының деректері бойынша, екінші деңгейдегі банктер бейрезиденттерден банкаралық нарықта шетел валютасының көп көлемін нетто сатып алушылар болып табылады. Мәселен, осы жылғы наурызда банктер бейрезиденттерден 5 296 млн. АҚШ долларын сатып алған. Ал іс жүзінде ахуал басқаша және ЕБД бейрезиденттерден валютаны ірі сатып алушылар болып табылмайды, - деп нақтылайды Ә. Молдабекова. Істің мәні - деректерді статистикалық тұрғыдан өңдеуде.
Кейбір екінші деңгейдегі банктер валюталық тәуекелдерді хеджирлей отырып, банкаралық нарықта түрлі орындау мерзімімен қарама-қарсы (сатып алу-сату) валюталық операцияларды жүргізеді, бұл ретте Ұлттық Банктің талаптарына сәйкес орындау мерзімі 2 күнге дейінгі операциялар бойынша ғана есеп береді. Яғни, Ұлттық Банктің ресми статистикасына банктердің бейрезиденттерге шетел валютасын кері сату жөніндегі, орындау мерзімі 2 және одан көп күнді құрайтын операциялар кірмей қалады.
Қазіргі уақытта Ұлттық Банк осындай сәйкессіздіктерді болдырмау үшін ЕДБ-нің есептілігіне қатысты ішкі талаптарға тиісті өзгерістер енгізуде, деп хабарлады Ә. Молдабекова.