Ұлттық экономика вице-министрі Ілияс Өсеров жұмысынан босатылды
20:50, 12 Маусым 2023
АСТАНА. ҚазАқпарат — Ұлттық экономика министрлігі тергеуге алынған Ілияс Өсеровті қызметінен босатылғаны туралы ақпаратты растады, деп хабарлайды ҚазАқпарат тілшісі.
Бүған дейін БАҚ-та ұлттық экономика вице-министрі Ілияс Өсеровтің ұсталғаны туралы ақпарат жарияланған еді. Ол ірі көлемде алаяқтық жасады деген күдікке ілінді.
Ілияс Өсеров өткен жылы наурызда Қазақстанның ұлттық экономика вице-министрі қызметіне тағайындалды.
Қызмет жолын 2007 жылы «Сбербанк» АҚ менеджері, жетекші маманы, әкімшісі болып бастаған еді. Түрлі жылдары ҚР Экономика және бюджеттік жоспарлау министрлігінде, ҚР Сауда және экономикалық даму министрлігінде, Алматы қалалық әкімдігінде қызмет атқарды.
2019 жылдың мамырынан соңғы қызметіне дейін Алматы әкімінің орынбасары болды.
Шынар Хамиитова