Бүгін Парламент депутаттарының алдында Ұлттық қауіпсіздік комитетінің төрағасы Әділ Шаяхметов осылай мәлім етті, деп хабарлайды ҚазАқпарат.
Сенаторларға өзін Ұлттық қауіпсіздік комитетінің төрағасы қызметіне тағайындау жөніндегі ұсынысты қолдағандары үшін алғысын білдірген ол, «біз, яғни Ұлттық қауіпсіздік комитетінің қызметкерлері қоғам өкілдерін, азаматтарды және мемлекетімізді қорғауға міндеттіміз. Мен бүгінгі көрсетіп отырған сенімдеріңізді ақтауға тырысамын. Қазақстанның Ұлттық қауіпсіздік комитетінде үлкен кәсіби білікті мамандар жұмыс істейді. Солардың күшімен және сіздердің ққолдауларыңызбен біз алда тұрған міндеттерді талапқа сай атқарып шығатынымызға сенімдімін», деп атап көрсетті.