деп хабарлады басқарма төрағасының орынбасары Ләззат Ақтаева Pm.kz сайтына берген сұхбатында.
«Біз кадрлар әлеуетін арттыруға зор көңіл бөлудеміз және еншілес ұйымдардың профессорлық-оқытушы құрамын оқытудамыз», - деді Л.Ақтаева.
Сонымен бірге ол 2014 жылы холдинг жанындағы орталықтар «Назарбаев Университетінің» Медицина мектебінің клиникалық базасына айналады, деп атап өтті. Бұл оларды осы деңгейге сәйкес болуға және медициналық практикадағы халықаралық тәжірибені таратуға міндеттейді.
«Дәрігер зерттеуші, ғалым, оқытушы құзіретіне оқытылады. Биылғы жылдың өзінде 98 дәрігер мен 60 медбике осы құзыретке оқу үшін жетекші әлемдік орталықтарға жіберіледі», - деп атап көрсетті Л.Ақтаева.
Басқарма төрағасы орынбасарының айтуынша, 2012 жылғы мамыр айының өзінде 30 медбике Литваның денсаулық ғылымдары университетінде медбике ісінің стандарттарын оқып-үйренуден өтті. Тамыз айында медбикелер осы университеттен келеді және холдинг клиникаларында жинақталған білімдері мен тәжірибесін таратады.
Тұтастай алғанда, Ұлттық медицина холдингінің базасында 6 айда 1050 маман оқып шықты, олардың ішінде 954 маман ел аймақтарынан келді. «Біз ғылыми-практикалық конференциялар, шеберлік сабақтарын, семинарлар өткіземіз. Бұл шаралардың барлығы кадрлық әлеуетті арттыруға, «Болашақ госпиталы» брендіне сәйкес болу үшін еншілес ұйымдарда медициналық қызмет көрсетудің жоғары мәдениетін қалыптастыруға бағытталған», - деп түйіндеді Л.Ақтаева.