ОРАЛ. ҚазАқпарат - ҚР Ұлттық ұланы «Батыс» өңірлік қолбасшылығына қарасты 5517-әскери бөлімінің жауынгерлері оралдық тұрғынды есірткімен ұстады, деп хабарлайды «ҚазАқпарат» тілшісі.
«Батыс» өңірлік қолбасшылығының баспасөз қызметінен түскен мәліметке қарағанда, құрамында Сұлтан Ілиясов, Марат Рамазанов, Оралбек Мыңтөре бар топ «Астана» сауда үйі ауданында, Әбілқайыр хан көшесі бойындағы «Сәкен» автокөлік жуу нысаны маңында кешкі сағат 21.00 шамасында қолына шпирц алып, білегіне инесін тыққан жас жігітті көреді. Куәгерлердің қатысуымен сырттай қарау кезінде оның қалтасынан орамаға салынған жасыл түсті есірткі заты табылды.
Ұсталған тұрғын полиция бөліміне жеткізілді.
Қырағылық көрсеткені үшін аталған жауынгерлер әскери бөлім командирімен ынталандырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).