ОРАЛ. ҚазАқпарат - Ұлттық ұлан жауынгерлері Жаңаөзен қаласында ер адамды есірткімен ұстады, деп хабарлайды «ҚазАқпарат» тілшісі.
ҚР Ұлттық ұланы «Батыс» өңірлік қолбасшылығының баспасөз қызметінен түскен мәліметке қарағанда, құрамында қатардағы жауынгерлер, Василий Шишикин, Мұса Ақәділ және Артем Новиков бар топ кешкісін №3 шағынауданда 14-үйдің жанынан күдікті адамды байқайды. Топ басшысы Василий Шишикин бұл жөнінде кезекшіге хабарлап, Ұлттық ұлан жауынгерлері ер адамға жақындағанда, ол сытылып кетпек болады. Әскери топ ұстаған кезде А. деген азаматтан есірткіге ұқсас зат салынған орама табылды.
Аталған азамат Жаңаөзен қалалық ішкі істер бөліміне жеткізіліп, ҚР ҚК 296-бабына сәйкес тексерілді. Аталмыш заттың марихуана екендігі дәлелденді.
Қырағылық көрсеткені үшін үш жауынгер әскери бөлім командирімен ынталандырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).