Британия аумағында аталған кесел пайда болса, науқастар Лондонның солтүстігінде орналасқан тегін емдейтін Корольдік ауруханаға (Royal Free Hospital) жеткізіледі. Мұнда Эбола безгегін жұқтырған екі науқасты орналастыруға болады.
Сондай-ақ, бұл ауруханада сырқаттарға орын жетпеген жағдайда Ньюкасл, Шеффилд және Ливерпуль қалаларындағы үш ірі аурухананың инфекциялық бөлімдеріне жатқызылады.
ЕО-да Эбола вирусын жұқтырудың 8 жағдайы тіркелген. Алайда Еурокомиссия дерттің Еуропада таралу қаупін көріп отырған жоқ, деп хабарлады Еурокомиссияның өкілі Фредерик Винсент.