Өткен аптада вакцинаның алғашқы тобы елдің емханаларына түсті, деп хабарлайды «РИА «Новости» агенттігі.
Ұлыбританияның NHS Ұлттық денсаулық сақтау қызметі өзінің ақпараттық материалдарында, вакцинаны бірінші кезекте әлеуметтік әлсіз топтарға егу жоспарланып отырғанын нақтылайды. Олар - маусымдық тұмауды тез жұқтыратын адамдар, иммундық жүйелері әлсіз науқастар, жүкті әйелдер, сондай-ақ медицина қызметкерлері. Қалған санаттағылар вакцина дозасын сәл кештеу алады.
Ағымдағы жылдың сәуір айында эпидемия басталғалы бері Ұлыбританияда бүгінгі күнгі жағдай бойынша, A/H1N1 тұмауын жұқтырғандардың саны шамамен 425 мың адамға жетіп отыр. Жаз айларында індеттің беті бері қайтып, күз басталғалы бері тұмаудың екінші толқыны қайта байқалып отыр. А/H1N1 тұмауынан көз жұмғандарға келетін болсақ, Англияда - 83 оқиға, Шотландияда - 15, Солтүстік Ирландия мен Уэльсте төрт-төрттен оқиға тіркелген.