ОРАЛ. ҚазАқпарат - Жасөспірім қыздарды азғындық жолға итермеледі деп айыпталып отырған ұлыбританиялық азамат Питер Барухтың ісі бойынша басты сот талқысы белгіленді.
БҚО сотының баспасөз қызметінен түскен мәліметке қарағанда, шетелдік азаматқа қатысты істі БҚО кәмелетке толмағандар ісі жөніндегі мамандандырылған ауданаралық соты қарайды. Тергеу органдары П.Барухқа ҚР ҚК 273-бабы (кәмелетке толмағандардың порнографиялық суреттерін дайындап, тарату) және 124-бабы (жасөспірімдерді бірнеше рет азғындық жолға итермелеу) бойынша іс қозғаған болатын. Атап айтқанда, ол қонақүйде жасөспірім қыздарды жалаңаш суретке түсіріп, ғаламтор арқылы таратқан.
Басты сот талқысы 10 маусымға белгіленді. ҚР Қылмыстық іс жүргізу кодексінің 29-бабына сәйкес іс жабық түрде қаралатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).