«Энергетика министрлігі әрбір жылу электр орталығының жағдайына кешенді түрде талдау жүргізуі қажет. Әсіресе, жеке меншіктегі объектілерге ерекше назар аударыңыздар. «Тарифті инвестицияға айырбастау» бағдарламасы аясында оларды жаңғыртуды қаржыландыру мәселесін пысықтау, сондай-ақ Жаңа тарифтік саясат қағидаларын қабылдауды қамтамасыз ету қажет», - деді Премьер-Министр.
Сонымен қатар Үкімет басшысы Ұлытау облысында мұнай өңдеу зауытын салудың қажеттілігі туралы мәселе пысықталуы тиістігін баса айтты.
«Самұрық-Қазына» қорымен бірлесіп, Алматыдағы 2-ші және 3-ші жылу электр орталықтарына қажетті газ инфрақұрылымын тарту бойынша дайындықты және конкурстық рәсімдерді жеделдету қажет», - деді Әлихан Смайылов.
Фото: brookings.edu