АСТАНА. 23 шілде. ҚазАқпарат - Үндістанның Карнатака штатында автобустың көпірден көлге құлауы салдарынан он адам қаза болды және тағы оны із-түзсіз жоғалғандар ретінде саналды.
Штат полициясының хабарлауынша, автобус жүргізушісі қарсы келген машинамен соғылудан қашуға талпынған көрінеді, алайда ол көлікті басқара алмай қалған.
ВВС-дің жазуынша, дүйсенбіде Карнатакада тағы ірі жол-көлік оқиғасы орын алған еді. Онда минивэн мен автобустың соқтығысуынан 18 адамның өмірі қиылды. БҰҰ статистикасына қарағанда, автоапаттардың саны бойынша Үндістан әлемде бірінші орында тұр.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.