Басылымның ақпаратына сүйенсек, нәрестелер дүниеге келген соң алты минут өмір сүрген.
Егіздер дүниеге келген Раджкот ауруханасының дәрігері Киртан Вияс дәрігерлердің бұл оқиғаның қайғылы аяқталуына дайын болғанын және ата-анасына балалардың миын бөлу отасын өткізу мүмкін емес екенін ескерткен. Оның айтуынша, үнділік дәрігерлердің акушерлік тәжірибесіндегі бұл жағдай миллионнан бір рет кездеседі. Сондай-ақ, Вияс осындай ауытқушылықтар жүктіліктің бірінші үш айында анықталатынын, бірақ егіздердің анасы бірінші ультрадыбыстық зерттеуді тек жетінші айында жасатқанын айтып өтті.
Басылымның хабарлауынша, сиам егіздерінің ата-анасы олардың денелерін зерттеу жүргізу үшін мемлекеттік медициналық колледжге беретін болып шешкен.