Үндістанда мектеп ауласына кіріп кеткен қабылан алты адамды жарақаттады
15:14, 08 Ақпан 2016
АСТАНА. ҚазАқпарат - Үндістанның Бангалор қаласында жергілікті мектептің ауласына кіріп кеткен қабыланды ұстап алмақ болған алты адам жарақат алды.
Зардап шеккендер - ғалым, орманшы және жергілікті телеарнаның телеоператоры. Олар қауіпті жануарды ұстау үшін 10 сағат арпалысқан.
Халықаралық мектептің аумағына кіріп кеткен қабыланды ақыры олар ине атып ұйықтатып, ол көрші қорықта бостандыққа жіберілді.
Таяуда өткізілген есепке сәйкес, Үндістанда 12-14 мың қабылан мекендейді, деп жазады шетелдік БАҚ.