Оқиға салдарынан ең аз дегенде, 5 адам қаза болып, 150 адам жараланды, 6 адам із-түзсіз жоғалғандар санатында, деп хабарлайды ҚазАқпарат «РИА «Новости» агенттігіне сілтеме жасап.
Куәгерлердің айтуынша, аспанға көтерілген жалын 25 шақырым қашықтықтан көрінуде, төңіректің барлығы қара түтін. Үнді армиясының жауынгерлері өрт сөндірушілермен бірге өртті ауыздықтауға тырысып жатыр, жалынды сөндіруге 25 өрт бригадасы жұмылдырылып отыр.
«Өрт аумағында қалған алты адамды іздеуге көмектесу үшін әскерилер өрт сөндірушілерге қосылды. Жалын өте күшті және оны ауыздықтау қиынға түсіп отыр», деп мәлім етті Ассошиейтед Пресс агенттігіне жергілікті полицияның өкілі Б.Л. Сони (B.L. Soni).
Оның айтуынша, өрттен қаза тапқан бес адамның денесі алып шығарылды, ең аз дегенде, 150 адам түрлі жарақаттармен жақын маңдағы ауруханаларға жөнелтілді. Қоймаға жақын маңда тұратын үйлердің тұрғындарының бәрі жедел көшірілді, ал апат орнына жақын жердегі электр стансасы қауіпсіздік мақсатында желіден ажыратылды.
Қазір оқиға орнында іздеу-құтқару жұмыстары жалғасуда.