Үндістанда мұнай өндеу зауытындағы өрт 7 адамның өмірін қиып кетті

НҰР-СҰЛТАН. ҚазАқпарат – Мумбаиға жақын маңдағы елдің оңтүстік-батыс штаты Махараштрада орналасқан мұнай өңдеу зауытында өрт шықты. Салдарынан ең кем дегенде жеті адам мерт болып, екеуі зардап шекті, деп хабарлайды ҚазАқпарат NDTV телеарнасына сілтеме жасап.

Телеарнаның мәліметінше, жергілікті уақыт бойынша таңғы 07:00-де Үндістанның ONGC мемлекеттік мұнай-газ корпорациясы кәсіпорындарының бірінен өрт шыққан.

Зауыттың бес жұмысшысы мен екі өрт сөндіруші тілсіз жаудың құрбаны болды.

ONGC қазіргі уақытта өрттің ауыздықталғаның және жалынның өндіріс цехтарына жайылмағанын мәлім етті.