Үндістан полициясы Кашмирдегі шабуылға күдіктіні анықтады

АСТАНА.KAZINFORM - Джамму мен Кашмир полициясы Пахалгамда шабуыл жасағандардың аты-жөнін әшкерелеп, олар туралы ақпарат бергендерге сыйлық жариялады, деп хабарлайды Hindustan Times.

Джамму және Кашмир полициясы бейсенбі күні Пахалгамдағы 22 сәуірдегі шабуылға қатысы бар лаңкестердің суреті мен есімдерін жариялады.

Жасырынған лаңкестердің қайда екені туралы ақпарат үшін 2 миллион рупий (шамамен 23 440 доллар) сыйақы ұсынылды.

Үндістан премьер-министрі Нарендра Моди Пахалгамдағы қанды шабуылға кінәлілерге қарсы қатаң шара қолдануға уәде беріп, Үндістан «терроршыларды жердің шетіне дейін қуады» деді.

Бұған дейін Үндістан басқаратын Кашмирдегі танымал туристік орталықта 26 адамды қарулы топ өлтіргеннен кейін Үндістан Пәкістанға қарсы шаралар жариялаған болатын.