Үндістандағы фабрикада жарылыс болып, алты адам көз жұмды

АСТАНА. KAZINFORM – Үндістанның оңтүстігіндегі Тамилнад штатында пиротехника фабрикасындағы жарылыстан 6 адам мерт болды, ішінде екі әйел бар, тағы бірнеше адам жарақат алды, деп хабарлайды Синьхуа.

Бұл туралы жергілікті полиция хабарлаған. Жарылыс салдарынан Вирудунагар округінде фабрика маңындағы ауылда ірі өрт болған. Мерт болған 6 адамның денесі табылып, қалған жарақат алғандар жергілікті ауруханаға жеткізілді.

Құтқару операциясы жүріп жатыр, жарылыстың себеп-салдары анықталып жатыр.

Осыған дейін Үндістанда көпір опырылып, туристер қаза тапқаны туралы жаздық.