АСТАНА. KAZINFORM — Үндістанның Бхубанешвар қаласында CAVA Men’s Volleyball League 2026 турнирінің топтық бәсекелері аяқталды.
Қазақстан чемпионы «Жетісу» волейбол клубы соңғы матчында үндістандық «Бенгалуру Торпедос» командасымен алаңға шықты.
Бәсеке 3:0 (25:11, 25:16, 25:19) есебімен Марат Адрышев шәкірттерінің айқын жеңісімен аяқталды.
Бұған дейін талдықорғандықтар жергілікті Индии «Телугу Блэк Хокс», «Мумбаи Метеорс» командаларын жеңіп, ирандық «Фулад Сирджан» клубына 0:3 (23:25, 17:25, 10:25) есебімен есе жіберген еді.
Қазақстандықтар сенбі күні тағы да «Бенгалуру Торпедос» командасымен финалдың жолдамасын сарапқа салады.
Жексенбі, 22 қарашада қола және алтын медаль үшін матчтар жоспарланған.
Еске сала кетейік, бұдан бұрын «Жетісу» волейбол клубының Үндістандағы жарыстың жартылай финалына шыққанын жазған едік.
Сондай-ақ қазақстандық төреші волейболдан әлем чемпионатында қазылық етеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).