АСТАНА. KAZINFORM – Аустралияда өтіп жатқан United Cup турнирінде теннистен Қазақстан құрамасының ширек финалдағы қарсыласы анықталды.
Е тобында өткен жылғы чемпион Германия құрамасы үздік шықты.
Германиялықтар алдымен Бразилия командасын 3:0 есебімен тізе бүктірді.
Дүйсенбі күні Германия құрамасы Қытайды 2:1 есебімен жеңіп, ширек финалға жолдама алды.
Германия сапында әлемнің 2-ракеткасы Александр Зверев, әйелдер арасында дүниежүзілік рейтингіде 80-орында тұрған Лаура Зигемунд өнер көрсетеді.
Қазақстан – Германия матчы 1 қаңтарға белгіленген.
Жартылай финалдық матчтар 4 қаңтар күні өтеді. Ал 5 қаңтарда жеңімпаз анықталады.
Еске сала кетейік, бұдан бұрын теннистен United Cup турнирінде Александр Шевченконың әлемнің 11-ракеткасын жеңгенін жазған болатынбыз.
United Cup турнирінде Елена Рыбакина бастаған Қазақстан құрамасы плей-офф кезеңіне шықты.
United Cup турнирінде Қазақстан құрамасы Грекияны миксте де жеңді.
Қазақстандық теннисшілер United Cup турнирінде қанша табыс тапты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).