АСТАНА. ҚазАқпарат - Красноярск қаласында өтіп жатқан ХХІХ қысқы дүниежүзілік универсиадада қазақстандық шаңғышы Әсет Дүйсенов спринт жарысында күміс жүлде алатын болды, деп хабарлайды ҚазАқпарат тілшісі.
Универсиаданың ресми сайты хабарлағандай, еркін әдіспен спринт жарысында алтын жүлде алған ресейлік шаңғышы Иван Якимушкин ереже бұзған деп танылды.
Сол себепті алтын жүлде оның отандасы Александр Терентьевке берілді. Ал қазақстандық Әсет Дүйсеновтің еншісінде - күміс медаль. Тағы бір ресейлік Андрей Собакаревке қола жүлде бұйырды.
Еске сала кетейік, бұдан бұрын Қазақстан қоржынына екінші медаль түскенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).