00:25, 06 Ақпан 2015

Универсиада: қазақстандық могулшілер құрама қоржынына қос алтын, бір күміс медаль қосты

АСТАНА. ҚазАқпарат - Испанияның Гранада қаласында өтіп жатқан қысқы универсиадада қазақстандық могулшілер аса сәтті өнер көрсетті.

Ерлер арасында Павел Колмаков алтын, Дмитрий Рейхерд күміс жүлдені жеңіп алды. Ресейлік Сергей Шимбуев үшінші орынды иеленді. Осының алдында әйелдер арасында Юлия Галышева бірінші орынға көтерілген болатын. Бұдан бұрын Қазақстан ұлттық құрамасының мүшесі Ю.Галышеваның өткен жылы әлем кубогі кезеңінде алтын, биылғы әлем чемпионатында қола жүлдені еншілеп, ел абыройын асырғаны белгілі. Еске сала кетейік, универсиаданың Словакияда өткен бөлігінде қазақстандықтар 3 алтын, 4 күміс, барлығы жеті медальді иеленген еді. Бұл қазірдің өзінде алдыңғы универсиадада алған жүлделерден әлдеқайда артық.

Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).