ОРАЛ. Қаңтардың 13-і. ҚазАқпарат /Елжан Ералы/ - М.Өтемісұлы атындағы Батыс Қазақстан мемлекеттік университетінде 10-11 сынып оқушылары мен арнаулы орта оқу орындары шәкірттері арасында «Жас дарын» байқауы өткізілді,
деп хабарлайды ҚазАқпарат тілшісі.
Үздік шығармашылығымен, шебер орындаушылығымен көзге түскен жастарды білім ордасына тарту мақсатында ұйымдастырылған шараға Ақтөбе, Атырау және Оралдан 212 үміткер қатысып, бақ сынады. Бейнелеу, сән, халық аспаптары, вокал, театр өнері және өзге аталымдар бойынша үздіктер анықталды. Бас жүлдеге Орал қаласындағы №45 орта мектептен Валерия Головкина лайық деп танылса, №19 орта мектеп шәкірті Ақманар Шайдуллина университет ректоры Т.Рысбековтің арнайы сыйлығын иеленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).