АСТАНА. ҚазАқпарат - Қазақстанның бірінші, әлемнің 27-ракеткасы Александр Бублик АҚШ ашық чемпионатының алғашқы айналымынан аса алмады, деп хабарлайды ҚазАқпарат. тілшісі.
Қазақстандық теннисші бастапқы кездесуін дүниежүзілік рейтингте 81-орында тұрған 2020 жылғы АҚШ ашық чемпионатының жеңімпазы, аустриялық Доминик Тиммен өткізді.
Екі сағатқа жуық уақытқа созылған матчта Д.Тим 6:3, 6:2, 6:4 есебімен жеңіске жетті.
Доминик Тим 8 эйс жасап, 10 брейк-пойнттың алтауын пайдалана білді. А.Бублик 6, 2 брейкпен (4 брейк-пойнт) шектелді.
Осылайша, А.Бублик Д.Тимнан тағы да жеңіліс тауып, 2019 жылғы Ролан Гарроста кеткен есені қайтара алмады.
Енді А.Бублик жұптық сында өнер көрсетеді.
Еске сала кетейік, бұдан бұрын АҚШ ашық чемпионатында Елена Рыбакина мен Александр Бубликтің бастапқы кездесулерін өткізетінін жазған болатынбыз.
Сондай-ақ қазақстандық 18 жастағы теннисші әлемдік рейтингте 36 саты жоғары көтерілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).