АСТАНА. KAZINFORM — Қазақстандық теннисші, әлемнің 239-ракеткасы Дмитрий Попко АҚШ ашық чемпионаты іріктеу сайысының жартылай финалына шықты.
Қазақстандық теннисші іріктеу сайысының ширек финалында әлемнің 140-ракеткасы, бразилиялық Тьяго Уайлдпен шеберлік байқасты.
Попко бірінші партияда тай-брейкте таразы басын өзіне аударды — 7:6 (7:4).
Екінші сет 6:3 есебімен аяқталды.
Бір сағат 41 минутқа созылған бәсекеде Попко 8 эйспен бірге 6 брейк-пойнттың екеуін өз есебіне жазды. Уайлд 6 эйс, 1 брейкпен (2 брейк-пойнт) шектелді.
Дмитрий Попко іріктеу сайысының жартылай финалында дүниежүзілік рейтингіде 184-орында тұрған франциялық Юго Бланшемен ойнайды.
Тағы бір қазақстандық, әлемнің 192-ракеткасы Бейбіт Жұқаев бүгін кешке рейтингіде 197-орындағы америкалық Джек Пиннингтон-Джонспен кортқа шығады.
Еске сала кетейік, бұдан бұрын АҚШ ашық чемпионатында Елена Рыбакинаның микстегі қарсыласы анықталғанын жазған едік.
Михаил Кукушкин іріктеу сайысының жартылай финалына жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).