АСТАНА. KAZINFORM — Нью-Йорк қаласында АҚШ ашық чемпионатының жеребесі тартылды.
Қазақстанның ерлер арасында бірінші, әлемнің 27-ракеткасы Александр Бублик бастапқы кездесуінде дүниежүзілік рейтингіде 77-орында тұрған қытайлық Цзюнчэн Шанмен өткізеді.
Әлемнің 60-ракеткасы Александр Шевченко рейтингіде 80-сатыдағы германиялық Доминик Кепферден өтуге тырысып көреді.
Біріншілікке іріктеу сайыстарынан кейін жолдама алған Тимофей Скатовтың қарсыласы кейін анықталады.
Қазақстанның әйелдер арасында бірінші, әлемнің 4-ракеткасы Елена Рыбакина іріктеу сайысы жеңімпаздарының бірімен ойнайды.
Әлемнің 31-ракеткасы Юлия Путинцеваның қарсыласы – рейтингіде өзінен төрт саты төмен тұрған, 19 жастағы чехиялық Линда Носкова.
Еске сала кетейік, бұдан бұрын Елена Рыбакинаның US Open турниріне киіп шығатын киім үлгісін көрсеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).