АСТАНА. KAZINFORM - Әйелдер күресінен қазақстандық үш балуан Азия чемпионатының жартылай финалына шықты.
Қазақстандық Зульфия Яхьярова (55 келі), Диана Каюмова мен Эльмира Сыздықова (76 келі) алғашқы іріктеу кезеңінде сәтті өнер көрсетіп, келесі айналымға өтті.
Енді жартылай финалда Яхьярова Оңтүстік Корея өкілі Кёнг Рёнг Охпен, Каюмова моңғолиялық Анудари Батхуягпен, ал Сыздықова қырғызстандық Айпери Медетқызымен күреседі.
Елорда уақытымен 13:30-да жартылай финал және жұбаныш белдесу өткізіледі.
Ал финалдық белдесулер 17:00-ден кейін өтеді.
Жарыстар «Qazsport» телеарнасының тікелей эфирінен көрсетіледі.
Еске салсақ, Азия чемпионатында еркін күрес шеберлері жалпыкомандалық есепте 4-орынға ие болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.