АСТАНА. ҚазАқпарат – Иран астанасы Тегеранда 18 жасқа дейінгілер арасында ITF Juniors J100 TEHRAN сериясы бойынша екінші турнир өтіп жатыр, деп хабарлайды ҚазАқпарат тілшісі.
Қазақстан теннис федерациясының баспасөз қызметінен мәлім еткеніндей, Даниал Рахматуллаев (284 ITF Juniors), Данир Қалдыбеков (403 ITF Juniors) және Заңғар Нұрланұлы (637 ITF Juniors) бастапқы кездесулерін сәтті өткізіп, ширек финалға шықты.
Екінші айналымда ресейлік Даниил Рыжинков бәсекені жалғастырудан бас тартқандықтан, жеңіс Д. Қалдыбековке берілді.
З. Нұрланұлы түркиялық Чем Кучухусейннен басым түсті – 6:4, 7:6. Ал, Д. тағы бір түркиялық Мелих Анаватанды бет қаратпай ұтты – 6:0, 6:0.
Қазақстандықтар жұптық сында да табысты өнер көрсетіп жатыр. Жақас Қозыбақ, Заңғар Нұрланұлы, Данир Қалдыбеков және Даниал Рахматуллаев жартылай финалға өтті.
Еске сала кетейік, бұдан бұрын Уимблдонда Юлия Путинцеваның қарсыласына жол бергенін жазған болатынбыз.
Тимофей Скатов Германиядағы турнирдің ширек финалына шықты.
Сондай-ақ, Уимблдонда Елена Рыбакинаның екінші қарсыласы анықталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).