Ұшақ апатынан зардап шеккен 14 адам арнайы бортпен еліне аттанбақшы

АСТАНА.KAZINFORM — Әзербайжаннан келген делегация ұшақ апатынан аман қалған 14 адамды алып, екі бортпен еліне оралмақшы. Бұл туралы ТЖМ мәлімдеді. 

— Оқиға орнында ҚР ТЖМ, ТЖМ Апаттар медицинасы орталығының, полиция департаментінің, жергілікті атқарушы органдардың жеке құрамынан 235 адам, 98 бірлік техника, 2 кинологиялық есептоп жұмылдырылды.  Қаза тапқан 38 адамның 10-ы анықталды: 3 Қазақстан азаматы, 3 Ресей және 4 Әзербайжан азаматы. Денелерді идентификациялау жұмыстары жалғасуда. 20 зардап шеккен адам емдеу мекемелерінде жатыр. Ауруханаға жатқызылған барлық 29 зардап шеккен адам анықталды, — делінген хабарламада. 

Еске сала кетейік, бүгін Әзербайжан Ақтау маңында ұшақ апатынан қаза тапқандарды аза тұтты.