Ұшақ бортында болған барлық қазақстандық мерт болды – Көлік министрі

АСТАНА. KAZINFORM – Көлік министрлігінің мәліметі бойынша, ұшақ бортында болған 67 адамның 38-і қайтыс болды. 

— Әуе бортында 67 адам болды, оның ішінде 62 жолаушы, 5 адам экипаж мүшесі бар. Өкінішке қарай, 38 адам қаза тапты және 29 адам аман қалды, — деді еліміздің Көлік министрі Марат Қарабаев Ақтауда өткен баспасөз мәслихатында. 

Айта кетейік, ұшақтағы жолаушылар арасында 37 әзербайжан азаматы болды, олардың 23- і қайтыс болды және 14-і аман қалды. Қырғызстаннан үш жолаушы болды, олардың барлығы аман қалды. Сонымен қатар 16 Ресей азаматы болды, олардың 7-і қайтыс болды, 9 адам аман қалды. Ұшақта біздің 6 отандасымыз болды, өкінішке қарай барлығы мерт болды. 

Ұшақтың экипажы 5 адам болды, оның ішінде 2 адам қаза тапты, 3 адам аман қалды.

Еске сала кетейік, Қанат Бозымбаев Ақтау маңындағы ұшақ апатынан зардап шеккендердің жағдайымен танысты.