«Үшарал-Достық» тасжолында қар құрсауында қалған 12 жүк көлігі шығарылды
18:51, 14 Қаңтар 2024
Бүгін «Қазавтожол» жолшыларының көмегімен «Үшарал-Достық» трассасында қар құрсауында қалған 12 жүк көлігі шығарылды, деп хабарлайды Kazinform.
Жүргізушілер ТЖД қызметкерлерімен боран басталғанға дейін эвакуацияланды.
- Жолшылар жүк көліктерінің иелерін тауып, жолда қалған автомобильдерді қардан сүйреп шығарды. Қалған көлік құралдарының иелерін іздестіру жалғасып жатыр, - деп жазды «ҚазАвтоЖол» АҚ баспасөз қызметі.