АСТАНА. KAZINFORM — Қазақстанның екінші, әлемнің 55-ракеткасы Юлия Путинцева АҚШ ашық чемпионатының үшінші айналымына өте алмады.
Қазақстандық теннисші екінші айналымда әлемнің 29-ракеткасы, ресейлік Анна Калинскаяға тап келді.
Ресейлік спортшы 6:1, 7:5 есебімен жеңіске жетті.
Бір сағат 19 минутқа созылған ойында Калинская 3 эйспен бірге 11 брейк-пойнттың бесеуін пайдаланды. Путинцева 1 брейкпен шектелді.
Анна Калинская төртінші айналымға шығу үшін әлемнің 2-ракеткасы, Польша өкілі Ига Швентек немесе рейтингіде 66-орындағы нидерландылық Сюзан Ламенстің қай жеңгенімен шеберлік таластырады.
Өткен жылы Юлия Путинцева үшінші айналымға дейін жеткен еді.
Еске сала кетейік, бұдан бұрын АҚШ ашық чемпионатында Елена Рыбакинаның үшінші айналымға жолдама алғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).