02:41, 19 Желтоқсан 2016

Үстел теннисінен ел чемпионатында батысқазақстандықтар жеті жүлде олжалады

ОРАЛ. ҚазАқпарат - Алматы қаласында үстел теннисінен 1995 жылғы және одан кіші жастар арасында мәреге жеткен ел чемпионатында БҚО құрамасы табысты өнер көрсетті, деп хабарлайды «ҚазАқпарат» ХАА тілшісі.

БҚО дене шынықтыру және спорт басқармасынан түскен мәліметке қарағанда, батысқазақстандықтар 2 алтын, 3 күміс және 2 қола медальді жеңіп алды. Атап айтқанда, жастар арасында жекелей сында Дастан Кенжеғұлов ел чемпионы атанса, Гауһар Алмағамбетова күміс, Айдос Кенжеғұлов қола жүлдені иеленді. Жұптық сында Алсу Сапарова мен Гауһар Алмағамбетова қарсылас шақ келтірген жоқ. Сондай-ақ ағайынды Дастан мен Айдос Кенжеғұловтар жұптық сында екінші орынға көтерілді. Аралас сында Айдос Кенжеғұлов пен Алсу Сапарова тағы бір қола жүлдені еншіледі. Сонымен қатар бозбалалар арасындағы командалық сында БҚО құрамасы күміс медальді қанжығаға байлады.

Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).