Үстел теннисінен АЧ: Қытай ерлер құрамасы чемпион атанды

АСТАНА. KAZINFORM – Бүгін Астанада үстел теннисінен Азия чемпионатында ерелер арасындағы командалық бәсеке өз мәресіне жетті.

Финалдық сайыста Қытай құрамасы мен қытайлық Тайбэй құрамасы өзара мықтыны анықтады.

Қытай ерлер құрамасы қарсыластарын 3:1 есебімен жеңіп, Азия чемпионы атанды. Ал жартылай финалда жеңілген Үндістан мен Оңтүстік корея құрамасы қола медаль иеленді.

Айта кетейік, Қазақстан ерлер командасы 7-8 орын үшін сайыста Иранды 3:1 есебімен жеңіп, ширек финалда Үндістанға жол берген болатын.

Бұған дейін хабарлағанымыздай, әйелдер арасындағы командалық бәсекеде Жапония жеңімпаз атанса, Қытай құрамасы екінші орын иеленді.