деп хабарлайды ҚазАқпарат ҚР Статистика агенттігіне сілтеме жасап.
Мәселен, үстіміздегі жылғы маусым айында республика аймағынан экспортқа шыққан тауарлардың құны 2008 жылдың сәйкес кезеңімен салыстырғанда - 18 пайызға, Қазақстанға импортталғандар - 4,3 пайызға төмендеген.
2009 жылдың бірінші тоқсанында экспорттық жеткізілімдердің бағасы - қара металлға - 35,7 пайызға, көмірге - 30,6, мұнайға - 17,4, оны қайта өңдейтін өнімдерге -10,8 және түсті металдарға - 5,1 пайызға төмен болса, бағалы металдарға - 31,2 және мырышқа - 9,1 пайызға қымбат болды. Осы уақытта сондай-ақ, бидай - 27,7 пайызға, мақта - 11,2-ге, күріш - 6,3-ке және жүн - 6,9 пайызға қымбаттады.
Импорттық жеткізілімдер ішінде - былғарыға, болат пен пластмассадан жасалған бұйымдарға баға - 26,4 пайызға, ағашқа - 25,4 пайызға, бояулар мен сырларға - 25,2-ге және қағазға - 13,1 пайызға арзан болды. Ал фармацевтикалық өнімдер - 27,3 пайызға, кофе - 9,6 пайызға, шәй - 1,8 пайызға және қант - 1,4 пайызға керісінше қымбат келді.