В.Путиннің уәдесі бойынша Мәскеуде көшеге В.Высоцкийдің аты берілді
21:43, 25 Мамыр 2015
АСТАНА. ҚазАқпарат - Мәскеу билігі қалада бір көшеге Владимир Высоцкий атын беру туралы шешімді мақұлдады. Енді Жоғары және Төменгі Таган тұйықтары танымал әртістің атымен аталатын болды.
Бұл шешім қалалық ведомствоаралық комиссиясының отырысында бірауыздан қабылданды.
Бұған дейін Мәскеу қалалық думасының мәдениет және бұқаралық коммуникациялар бойынша комиссиясының басшысы Евгений Герасимов Жоғары және Төменгі Таган тұйықтарына ақын есімін беру керек деп санайтынын, себебі ол жер Высоцкийдің үйіне және Таганкадағы театрға жақын орналасқандығын айтқан. Высоцкийдің құрметіне көше атын беру мәселесін шешуді сәуір айында Ресей президенті Владимир Путин уәде еткен.