СТАНА. Сәуірдің 7-сі. ҚазАқпарат /Руслан Ғаббасов/ - Украина президенті Виктор Янукович Украина аумағында бірлескен астық терминалын салу ұсынысын жасады. Бұл туралы ол бүгін Ақордада жоғары деңгейдегі келіссөздерден кейінгі баспасөз мәслихатында айтты.
«Біз астық нарығында Қазақстанның әріптес болуын қалаймыз. Мен осыған байланысты тиісті ұсыныс жасадым. Атап айтқанда, Украина портында елу де елу үлеспен бірлескен астық терминалын салу қажет», деп атап өтті В.Янукович.
Осы тұрғыда баспасөз мәслихаты кезінде Елбасы Украина басшысының бұл ұсынысын құптады.
«Екі ел арасындағы ұстанымдар өзара жақын және сәйкес келеді. Осыған байланысты бұл біздің ынтымақтастығымызда оң алғышарттарды құрып отыр», деді Украина басшысы.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.