Вадим Краснослободцев «Барыс» хоккей клубынан кетті

АСТАНА. 2 мамыр. ҚазАқпарат - Хоккейден Қазақстан құрамасының шабуылдаушысы Вадим Краснослободцев астаналық «Барыс» клубынан кетті.

Бұл туралы Vesti.kz хабарлады.

Ол жаңа маусымда Нижний Новгородтың «Торпедо» клубы үшін тер төгеді. 29 жастағы спортшы аяқталған чемпионатта + 12 пайдалылық көрсеткішімен 44 кездесуден 30 ұпай (10-20) жинаған болатын.

Ал бұған дейін «Барыспен» келісімшартты Найджел Доус, Дастин Бойд, Роман Савченко мен Самвел Мнацян ұзартқаны белгілі болды.