Оның сөзінше, «вафельді» жол таңбасы қиылыстың бітелуіне жол бермеу және көліктің кедергісіз қозғалуын қамтамасыз ету үшін енгізілген.
– Жүргізуші қиылысқа оны тоқтамай толық кесіп өте алатынына көзі жеткенде ғана кіруі керек. Егер алда кептеліс болып, қиылыста тоқтап қалу қаупі болса, қиылысқа кіруге болмайды, – деді Нұрлан Уваев.
Оның айтуынша, бұл талапты бұзғандар Әкімшілік құқық бұзушылық туралы кодекстің 594-бабының 1-бөлігіне сәйкес 3 айлық есептік көрсеткіш мөлшерінде айыппұл төлейді.
Еске салайық, 25 тамыздан бастап «Жол жүрісі туралы» заңға енгізілген өзгерістер күшіне еніп, жүргізушілерге қойылатын талаптар мен жекелеген құқық бұзушылықтар үшін жауапкершілік күшейтіледі.