ВАШИНГТОН. KAZINFORM — АҚШ Мемлекеттік хатшысы Марко Рубио 10-12 наурызда Сауд Арабиясының Жидда қаласында болып, онда украиндық делегациямен кездесіп, қақтығысты бейбіт жолмен шешу жолын талқылайды. Бұл туралы Мемлекеттік департаменттің баспасөз қызметі басшысы Тэмми Брюс мәлімдеді, деп жазады ТАСС.
— Джиддада ол Сауд Арабиясының мұрагер ханзадасы Мұхаммед бен Салман Әл Саудпен де кездесіп, аймақтағы ортақ мүдделерді ілгерілету және американдық-саудиялық қарым-қатынастарды нығайту жолдарын талқылайды, — деп мәлімдеді дипломат.
Рубио 12-14 наурызда Канадада өтетін G7 сыртқы істер министрлерінің кездесуіне де қатысады.
— Ол «Таяу Шығыс пен Еуропадағы қақтығыстарды, Африка мен Үнді-Тынық мұхиты аймағындағы ынтымақтастықты және Батыс жарты шардағы тұрақтылықты» талқылауға ниетті, — деп түйіндеді Брюс.
Айта кетейік, Трамптың арнайы өкілі Украинадағы соғысты 24 сағатта тоқтату жөнінде пікір білдірді.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы