Вашингтон Ирактағы барлық әскерін 2012 жылға дейін әкетпек
09:25, 31 Тамыз 2010
АСТАНА. Тамыздың 31-і. ҚазАқпарат - Барлық американдық әскер Ирактан 2012 жылға дейін әкетілетін болады. Бұл жайтты Ақ үй қуаттап отыр, деп хабарлайды «Маяк» радиосы.
Вашингтон Ирактағы барлық әскерін 2011 жылдың желтоқсан айының 31-іне дейін алып кетпек, делінген Ақ үй мәлімдемесінде. Вашингтон мен Бағдадтың арасында 2008 жылы жасалған келісім бойынша, американдық жауынгерлік бөлімдер Ирактан ағымдағы жылдың жаз айларының соңына дейін кетуі керек болатын.
Иракта қалған контингент - 50 мыңдай адам - елдің қауіпсіздік күштерін оқытуды жалғастырады және жауынгерлік операциялар барысында оларға қолдаулар көрсететін болады.