11:41, 18 Наурыз 2013

Велошоссе: Азияда - біріншіміз

АСТАНА. 18 наурыз. ҚазАқпарат - Үндістанның Дели қаласында велошосседен Азия чемпионаты аяқталып, Қазақстан командалық есепте бірінші орын алды, деп хабарлайды «Аламан».

Жарыстың соңғы күні ерлер арасындағы топтық жарыс өтіп, Қазақстан спортшысы Андрей Мизуров қола жүлде алды. Ол ерлер арасындағы жекелей жарыста күміс жүлде алған еді.

Топтық жарыс. Ерлер:

1. Мураджан Халмуратов (Өзбекстан) - 3:33:59
2. Арвин Моаземи Гоударзи (Иран) - 0:12
3. Андрей Мизуров (Қазақстан) - 0:17

Қазақстан велошоссе бойынша Азия чемпионатында үш алтын, үш күміс, екі қола жүлдемен жалпы есепте бірінші орын алды.

Спорт

Руслан Ғаббасов

Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.