Велотрек: Диас Өмірзақов - Азия чемпионатының күміс жүлдегері
10:30, 11 Наурыз 2013
АСТАНА. 11 наурыз. ҚазАқпарат - Үндістанның астанасы Дели қаласында өтіп жатқан велоспорттан Азия чемпионатында қазақстандық велотрекші Диас Өмірзақов ересектер арасында күміс жүлдеге ие болса, Магомед Мамедов жасөспірімдер арасында құрлық чемпионы атанды.
Велотрекші Магомед Мамедов жасөспірім ұлдар арасындағы пурсит жарысында алтын медаль алды. Күміс пен қоланы Кохей Сузуки (Жапония) мен Мохамад Фарад Разали (Малайзия) өзара бөлісті.
Ал ересектер арасында Диас Өмірзақов төрт шақырымдық жекелей пурсут жарысында күміс жүлдеге ие болды, деп хабарлайды «Аламан».