Венесуэлада әскерилер бір аптаның ішінде үшінші есірткі саудалаушылар ұшағын атып түсірді
08:29, 21 Қазан 2013
АСТАНА. 21 қазан. ҚазАқпарат - Венесуэлалық әскерилер Апуре штатында жеңіл моторлы ұшақты атып түсірді. Ұшақты басқарушы ұшқыш әскерилердің жерге қону туралы талабын орындаудан бас тартқан.
Аптаның басында венесуэлалық әскерилер Апуре штатында тағы екі жеңіл моторлы ұшақты атып түсірген.
Белгілі болғандай, Венесуэлада елдің аумағы арқылы ұшпақ болған есірткі саудасымен айналысушылардың ұшақтарын атып түсіруге рұқсат беретін заң қолданылады.
«Халықаралық есірткі саудалаушылар біліп жүрсін, осы сәттен бастап Венесуэланың әуе кеңістігіне енген кез келген есірткі тасымалдаушы бұйрық бойынша жерге қонулары керек, болмаса оларды біздің әскерилеріміз атып түсіреді», - деп мәлімдеді елдің президенті Николас Мадуро.