Венесуэлада әскерилер мінген ұшақ апатқа ұшырады

АСТАНА. ҚазАқпарат - Венесуэланың шығысында Боливар штатында дүйсенбі, 11 наурызда Cessna 206 жеңіл ұшағы апатқа ұшырады. Бортта елдің әскери күштерінің үш полковнигі мен бір сержант болған, деп хабарлайды El Nacional.

Ұшақтың Гран-Сабана ауданында құлағаны аталып өтілген. Әзірге әскери қызметшілердің аман қалғаны немесе мерт болғаны белгісіз. Әуе кемесінің неліктен құлағаны да жарияланбады. Ұшақ Aerotransporte La Montaña-ға тиесілі.