КАРАКАС. KAZINFORM – Венесуэланың оңтүстік-шығысындағы Боливар штатының Ангостура муниципалитетіндегі шахтаның опырылуы салдарынан 15 адам қаза тауып, 11 адам жарақат алды. Бұл туралы сәрсенбі күні кешке ел президенті Николас Мадуро мәлімдеді.
Синьхуа агенттігінің хабарлауынша, іздестіру-құтқару жұмыстары жалғастыруда.
– Біз дереу барлық азаматтық қорғаныс бөлімшелерін жібердік және Боливар штатының губернаторы Анхель Марканомен бірге құтқару процесін күшейтеміз, – деді Мадуро мемлекеттік телеарнада.
Алдын ала тексерулер шахтадағы апат 30 метр тереңдікке ені 100 метрге дейінгі топырақтың опырылып түсуінен келіп шыққанын көрсетті.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы