Бұл туралы Ұлттық ассамблея төрағасы Хорхе Родригес мәлімдеді.
Родригестің айтуынша, үкіметтің соңғы ресми есебіне сәйкес, өткен айда болған апаттан кейін 86 794 отбасы көмек алған.
Ол 6 462 адамның құтқарылғанын, 856 ғимараттың зақымданып, 190-ының толық қирағанын айтты.
Билік 94 уақытша лагерь ұйымдастырып, онда 18 437 адам орналастырылған. Сонымен қатар, 17 907 адам әлі күнге дейін тұрақты баспанамен қамтамасыз етілмеген.
Родригес билік тарапынан 9 766 тонна азық-түлік пен 16,6 миллион литрден астам ауыз су таратылғанын, ал 31 193 науқасқа медициналық көмек көрсетілгенін қосты.
Оның сөзінше, зардап шеккендерге көмек көрсетуге 31 837 қызметкер мен 30 197 ерікті жұмылдырылған. Оларға 2 422 халықаралық құтқарушы қолдау көрсеткен.
24 маусымда Оңтүстік Америкадағы бұл елде арасына небәрі 39 секунд салып, магнитудасы 7,2 және 7,5 болатын екі жер сілкінісі болған.
Жер сілкіністері ауқымды қирауға әкеліп, ел ішінде де, халықаралық деңгейде де кең көлемді гуманитарлық көмек көрсету шараларының басталуына себеп болды.
Бұған дейін Қытайдың жер сілкінісінен зардап шеккендерге жіберген алғашқы гуманитарлық көмегі Венесуэлаға жеткенін жазғанбыз.