АСТАНА. ҚазАқпарат - Англияның «Вест Хэм Юнайтед» командасы футболдан UEFA Конференция лигасының жеңімпазы болды, деп хабарлайды ҚазАқпарат тілшісі.
Ағылшындық клуб финалда Италияның «Фиорентина» клубымен шеберлік байқасты.
Кездесу барысында олар қарсылас команданы 2:1 есебімен жеңді. Алдымен олардың қатарынан Мохамед Саид Бенрахма 62-минутта пенальтиден есеп ашты.
Ойынның 67-минутында «Фиорентина» ойыншысы Джакомо Бонавентура таразы басын теңестірді. Ал 90-минутта «Вест Хэм Юнайтед» сапынан Джаррод Боуэн өз командасына жеңіс сыйлады.
Осылайша «Вест Хэм Юнайтед» аталған турнирдің жеңімпазы атанды.
Енді 10-нан 11-не қараған түні UEFA Чемпиондар лигасы финалы өтеді.
Ал испаниялық «Севилья» UEFA Еуропа лигасының жеңімпазы болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.