деп хабарлайды ҚазАқпарат.
Оның бұл жолғы қарсыласы аргентиналық Хорхе Даниэль Миранда болды. «Қытайлық» деген лақап аты бар Хорхе бұған дейін 34 кездесу өткізіп, оның 25-ін өз пайдасына шешкен болатын. 12 раундтық жекпе-жекте қапталдағы үш қазы да бірауыздан (120-108, 120-109, 120-108) Виталийді жеңімпаз деп тапты. Бұл оның 19-шы жеңісі. 2004 жылғы Афины олимпиадасынан кейін несібесін кәсіпқой бокс рингінде тауып жүрген В. Демьяненко әзірге бірде-бір рет жеңілістің ащы дәмін татқан жоқ. Алты жылдың ішінде Бүкіләлемдік бокс ұйымының Тынық мұхит аймағы бойынша және Азия бокс кеңесі мен Паназиялық бокс қауымдастығының чемпионы деген атақтарды иеленді.