Владимир Зеленский Еуроодақ саммитіне келді

АСТАНА. KAZINFORM — Украина президенті Владимир Зеленский Брюссельде өтіп жатқан ЕО-ның кезектен тыс саммитіне келді, деп хабарлайды Kazinform тілшісі.

Күннің бірінші жартысында Зеленский ақпан айының басында қызметіне кіріскен Бельгияның премьер-министрі Барт де Вевермен кездесті.

Содан кейін Украина басшысы Еуропалық кеңеске келді, оны Урсула фон дер Ляйен және Антонио Кошта қарсы алды.

Қазіргі саммиттің негізгі мәселелері ЕО-ның Украинаға қолдау көрсетуі және ЕО-ның қорғаныс қабілетін арттыру.

Бұған дейін Владимир Зеленский АҚШ пен Украина келіссөздерінде «оң қозғалыс» барын және екі тарап та алдағы кездесуді пысықтай бастағанын айтқан.